رحلة افـــريـــكـــانـــو + اســكـنـدرية ( ليك و ممكن مرافق من خارج الكلية )
نفسك تعيش جو سفاري في أكبر حديقة حيوان مفتوحة في مصر والشرق الاوسط مع أكبر عدد ممكن تشوفه من الحيوانات البرية ؟
جربت تلعب و تتصور مع الحيوانات دى وهى من غير أقفاص؟
طيب جربت تشوف أسكندرية فى الشتاء؟ يعنى تتمشى براحتك على الكورنيش أو كوبري ستانلي او القلعة :D
اللجنة الأجتماعية والرحلات هتخليك تعمل كل ده و تعيش يوم مع أصحابك ميتنسيش وبسعر مخفض :D
طيب إيه البرنامج وهنعمل إيه هناك؟
بص.. برنامجنا ببساطة هيكون كالتالى :-
1- وقت التجمع :-
⇒ التجمع الساعة 6:30 صباحا.
⇒ التحرك الساعة 7:00 صباحا.
2- مكان التجمع :-
امام كلية العلوم ببنها.
3- الوصول للحديقة والتمتع بجولة سفاري حرة بالعربيات :-
أول ما هندخل البارك هنتحرك بالعربيات وهنتفرج علي الحيوانات الموجودة وننزل نأكلهم ونلعب معاهم.
4- الرحلة النهرية وبيت الطيور:-
هنركب مركب ونعدي علي شلالات صناعية جميلة جداً والاشجار المليانة عشش الطيور والقرود وهيا بتلف حواليك وهتشوف الطاووس والشامبانزي.
5- كهف الزواحف :-
هندخل كهف مجهز لحوالي 222 نوع من الزواحف وكمان الطيور الجارحة والنادرة زي النسور وتقدر تتصور معاهم.
6- بيت الطيور:-
• ندخل بيت الطيور وفيها هتبقي في وسط الطيور.
7- في اخر الجولة فيه ملاعب وأماكن أستراحة.
8- في مطاعم عشان اللي يحب ياكل.
99- بعد ما نطلع من افريكانو بارك، هنكمل يومنا في جولة حرة في عروس البحر المتوسط الأسكندرية، تقدر تتصور على كوبرى ستانلى وتتغدى من قدورة وتشترى هدايا من خالد بن الوليد وتجيب حلويات من أحمد حسنين بس قبل 6 ونص تبقى عندنا تانى .
10- وقت التجمع للعودة الي بنها :-
التجمع الساعة السادسة والنصف مساء للعودة ان شاء الله.
______________________________
( قيمة الحجز )
* 140 جنيه فقط للفرد * (((مع امكانية احضار مرافقين من خارج الكلية)))
للأستفسار:-
للحجز :-
التوجة لمكتب رعاية الشباب بكلية العلوم.
